Klout Mobile is here, and I LOVE it

klout

Anyone who works in Social Media marketing, or a social media geek knows Klout. It’s simply a magical tool that tells you how “influential” are you in social media. The rate is up to 100. And anything above 55 is … Continue reading

Aspire Zone Foundation Earth Hour 2014 Campaign

insta

This is one of my favorite campaigns I took part in. In Aspire Zone Foundation, we cope very fast with new branding and trends, interactive back- and fore-grounds for twitter, or Logo/header intersections on Facebook. We have done this with … Continue reading

كفاية إنكار

من زمان و انا بقول و بتفشخر بماضي مصر و بقول بلد الفراعنة و حضارة ٧٠٠٠ سنة و ذكرت في القرآن و كل الكلام ده.  اعتقد ٩٩٪ من الشعب استخدم الجملتين دول

لكن السؤال هو هل الجملتين دول كانوا سبب لتطوير الحضارة دي ( وده الطبيعي يعني) ولا كانوا جملتين هروب من واقع اليم؟
هل مصر بلد حضارة؟ أكيد
هل مصر بلد حاضر؟ أكيد لأ
لكن هل مصر بلد مستقبل؟

يبقى كفاية فشخرة كدابة بماضي -مانستهلوش- لأننا لم نطوره إطلاقا، مش بس كده احنا حتى ما حفظناش عليه، من سرقة و حرق و تلوث و هدم و قرف. حتى ترميم ماضي الفراعنة البعثات الأجنبية هي اللي بتعمله – عيب قوي

كفاية انانية! دي بلد مش زريبة يا شعب…سيبك من كلام كل واحد لازم يشارك في تطوير البلد، خلينا نبص عليها من الناحية التانية
كل واحد فينا مشارك في المصيبة دي، من تأثير سلبي مباشر، او غير مباشر أو حتى عدم الإهتمام بالتأثير
هي ايه المصيبة؟ انا اقولك

مصر في يوم من الأيام كانت مصدر العلوم، و الفن و الإعلام و غيره من الفشخرة بتاعة الماضي.
على سبيل المثال، والدتي راحت قطر (ايوة البلد اللي البقر بيتريقوا عليها ليل نهار عشان صغيرة) سنة ٧٨ أو ٧٩ . و اياميها كان معظم لو مش كل “المعلمين” مصريين. و علموا اجيال و اجيال من الشعب القطري و غيره من الجنسيات.  أمي بتحكيلي عن الفرق بين كلمة مصري دلوقتي و زمان
مصري زمان يعني متعلم و شخص راقي و متطور عن باقي العرب، دلوقتي مصري عبارة عن شخص متفزلك،  حرامي معظم الأحيان و كلمنجي إلا من رحم ربي

و كل واحد فينا شارك في نفس المصيبة دي. اشتغاله لسائح ولا نصباية بقى .. ولا بلطجة و لا فشخرة من بتوعنا، ده غير قلة الأدب في السواقة و الألفاظ و القائمة تطول و تطول من المميزات المصرية الفاخرة اللي اصبحنا معروفين بيها في الداخل و الخارج

كفاية ابوس ايديكم

احنا باقينا ملطشة و مسخرة العالم! و احنا شايفين ان الإهتمام الأجنبي ده عشان احنا مهمين و بيزود من قيتمنا!! بالعكس تماماً، ده زيادة الطينة بلة و قطران

عشان نتغير لازم نعترف اننا وصلنا للقاع، و بدأنا نحفر فيه لتحت كمان بلا توقف. انا مش بتكلم عن سياسة، ابو السياسة عاللي يمارسها. انا بتكلم عن مجتمع وصلت بيه درجة الإنحطاط ان التحرش بقى اسلوب احتفال بعيد ديني بعد شهر عن الإنقطاع عن الأكل و الشرب لله!!!!  و اللي ماشي بيبتسم على “شقاوة” الشباب
وصل بالشعب الإنحطاط انه لما يرمي الزبالة و تقوله غلط كده يقولك يا عم ما كله بيعمل كده و بيكابر

مصر (القاهرة بالذات) من البلاد اللي قليل اللي يحب يزورها تاني لو تعامل مع اهلها  -و متقوليش بعض و مش كله و كده، عارفين والنعمة- … احنا فعلا بنحفر في القاع، بس لسه شايفين نفسنا فوق السحاب
انكار الذات اصبح اكبر آفاتنا

 ايه الهدف من كل الكلام ده. الإعتراف ان مصر لم تعد دولة ذات حاضر و قيمة. ثروة البلاد شعوبها و نحن  شعب بلا ثروة و المواطن بلا قيمة، محليا أو دوليا. كفاية شماعة المؤامرة لأن  نظريات المؤامرة أول خطوة في طريق الإنكار; لا ينفذ ما يسمى ب”المخطط الخارجي” غير من بداخل البلد، مش امريكا ولا اسرائيل ولا زفت. العيب فينا احنا

ابدأ بنفسك – أمط الأذى عن وطنك

تحليل خطاب محمد مرسي الخميس ٦ ديسمبر

Egypt’s-President-Mohamed-Morsy-1

كان خطاب خالي من الواقعية و كان مماطل و يستفز اعصاب المعارضين و يجبر خاطر المؤيدين، خطاب موجه لمؤيدينه و فيه رسائل تحريض و ابتعد تماما عن الأسئلة المهمة في الشارع، زي مشكلة القضاء و مستشاريينه المستقاليين ، و هدف … Continue reading